Өөреникчилерниң келир үеде мергежилин шилип алырының талазы-биле янзы-бүрү темаларга ужуражылгаларны, хуралдарны республиканың школаларында эрттирип турар. Ылаңгыя доозукчулар төрээн школаларын утпайн кээп, башкылары-биле харылзажып, өөреникчилер-биле хемчеглерге киржип турары өөрүнчүг.
Шагаа бүдүүзүнде Ак-Довурак хоорайның № 1 ортумак школазының доозукчузу Эдвард Саая төрээн школазынга аалдап четкен. Эдвард Красович – Н. Е. Жуковский база Ю. А. Гагарин аттыг шериг-агаар академиязының курсантызы.
Доозукчу класстарның өөреникчилеринге курсант-биле ужуражылганы организастаан. Ол бодунуң өөренип турар академиязын таныштырган. Бүгү өөредилге дургузунда курсантылар бүрүнү-биле күрүне хандырылгазында: чемненири, чурттаары, эмчи хандырылгазы, ай санында акша хандырылгазы база квартал, чыл түңнели-биле акша шаңналдары шупту кирип турар. Чыл санында ийи неделя дыштанылганы, ол ышкаш 30 хонук, чедер черинче аай дедир оруунуң өртээ халас, шөлээни база бээр.
Школачылар сонуургаан айтырыгларын салып, дыка хөй чүүлдерни билип алганнар. Эдвард доозукчу оолдарга шылгалдаларга эки белеткенип, чүткүлдүг болурун чагып-сургаан.
Владислав Ховалыг проверил строительство Тастыгского ГОКа в Эрзине
Глава Тувы Владислав Ховалыг вместе с генеральным директором группы компаний «Ареал» Владиславом Свибловым посетил площадку строительства Тастыгского горно-обогатительного комбината в Эрзине, сообщае…