2022 чылда Тываның эмнелгелеринде реабилитация салбырларын быжыглаар дээш, ниитизи-биле 38,9 сая рубльге амгы үениң дериг-херекселдерин садар.
Россияның Чазааның даргазы Михаил Мишустин акша-хөреңгини үндүрер дугайында чазактың айтыышкынынга атты май 4-те салган.
– Аарыг кижилерге шынарлыг эмчи дузазын көргүзеринге амгы үениң дериг-херекселдери дыка дузалыг. Амбулаторияда азы хүндүс чыдып эмнедип турар кижилер албан медицина камгаладылгазының хуудузу-биле халас реабилитацияны эртип ап болур – дээн, Михаил Мишустинниң сөстерин федералдыг чазактың албан езузунуң сайтызы дамчыткан.
“Кадыкшылды катап тургузарынга эң-не эптиг арга – эмчи реабилитациязында” деп федералдыг программадан акша-хөреңгини тускайлап үндүрер.
Ковидтеп, берттинип-кемдеп, хан-дамыр эргилдезиниң аарыгларындан аараан соонда, катап кадыкшылын тургузарынга тускай хемчеглер болгаш аргалар херек реабилитация эмнелге системазын чаартыры – төлевилелдиң сорулгазы ол.
Гуманитарная помощь из Тувы отправится в преддверии 9 мая. Присоединиться можно до 30 апреля
До формирования автоколонн с гуманитарной помощью осталось несколько дней. При поддержке Правительства Тувы и Народного фронта груз для бойцов доставят в преддверии 9 мая.