Тываның ортумак профессионал өөредилге албан черлериниң студентилери болгаш башкылары «Ак чолдуг Шагаавыста ак-көк дээрлиг Тывавыстан» деп видео байыр чедириишкининиң эстафетазын эгелээрин ТР-ниң Өөредилге яамызы дыңнаткан.
Эстафетаның чорудуу-биле студентилер республиканың чурттакчыларынга болгаш тускай шериг операциязының шугумунда шериг албанныг чаңгыс чер-чурттугларывыска национал байырлал – Шагаа таварыштыр байыр чедирер.
