Бөгүн Хову-Аксының назылап-кыраан болгаш харык-шинээ кызыгаарлыг хамаатыларга дазылга бажыңының эң улуг назылыы – Чолапаа Опайевна Оюн 101 харлап турар.
Тыва Арат Республиканың чажыды Ада-чурттуң Улуг дайынының киржикчилеринге деңнеп каан хоочун, тылдың ишчизи эне. Шевер кырган-ава кедер хевин, орун-дөжээниң шывыын, чоорган, сыртык хавын боду даарап алыр. Күш-ажылдың хоочуну Ада-чурттуң Улуг дайынының үезинде «Кызыл кошка» хептерни даарап турган.
Дазылга бажыңының ажылдакчылары Чолапаа Опайевнаны кажан-даа ундаравас болгаш кезээде омак-хөглүүн демдеглеп турарлар. Ол социал албан чериниң улуг өг-бүлезиниң идепкейжи кежигүнү. Буянныг эне номчуттунарынга, шериг үезиниң ырыларын күүседиринге ынак.
