Сүт-Хөл кожууннуң төп ном санынга ногаа, чимис тарыырынга ынак болгаш арга-дуржулгалыг ногаажыларның киржилгези-биле «Часкы хүннүң херелдери ногаажыны манай берди» деп хемчег болуп эрткен.
Өөредиглиг хемчегге арга-дуржулгалыг огородчулар Ч.Д. Ооржак «Чылыткыга ногааны шын өстүрүп ажаары», А.Т. Монгуш «Мээң огородум – мээң азыракчым», У. М. Ховалыг «Чечектерим-чараштарым» деп темаларга солун ажыктыг сүмелери-биле үлежип, боттарынын олурткан үрезиннерин, өзүмнерин киржикчилерге үлеп, арга-дуржулгазын солушканнар.
Арга-дуржулга солчулгазынга кожууннуң, сумунуң херээженнер чөвүлелдериниң даргалары С.Н. Очур-оол база Р. Э. Доржу, хоочуннар, хөй-ниитижилер З.С. Монгуш, А.Д. Донгак, албан черлериниң херээжен чону болгаш огород тарыырынга сонуургалдыг аныяктар киришкен.
Ногаа тарып өстүрер ажылга ижиктирип чаӊчыктырар хемчегниң хүндүлг аалчызы – ТР Хөй-ниити палатазынын кежигүнү С.А. Соскут болган.
В Туве наградили лучших животноводов и представили новый проект поддержки отрасли
В здании Правительства Республики Тыва состоялась торжественная церемония вручения государственных наград и дипломов чемпионам народного праздника животноводов Наадыма-2026.