Тывага чайгы дыштанылга кампаниязын 241 эмчи хандырар, оларның аразында 36 уруглар эмчизи бар. Шупту медицина ажылдакчылары уругларның кадыкшылга лагерьлеринге ажылдаар угланыышкыннарның онзагай талалары езугаар кыска өөредилгени эрткенин республиканың немелде өөредилге сайзырадыр төвү дыңнаткан.
Бир эвес кадыкшылга лагерьлеринге уруглар болгаш ажылдакчылар аразынга халдавырлыг аарыглар, респираторлуг вирус халдавырындан аараан каразыг тыптып келзе, маршрудунуң схемазы кылдынган.
ТР-ниң Кадык камгалал яамызының дужаалы езугаар чайгы лагерьлерге санитар-чырыдыышкын ажылдарының планын тургускан. Ында кадык амыдыралды суртаалдаары, уругларның бертинип, кемдеп болурунуң айыылын чайладыры, эрте иштелип болуру, амы-тынынга четтинер хөөннүг уругларга профилактиктиг хемчеглер, туберкулез дугайында билиглер дээш оон-даа өске айтырыглар кирип турар.
Бо чайын кадыкшылга сезонунда республикага 183 лагерь ажылдаар, ооң иштинде 21 кадыкшылга, 159 хүндүскү база ийи майгын, бир күш-ажылдың болгаш дыштанылганың лагерьлери бар.
Глава Тувы принял участие в заседании Совета при полпреде Президента в СФО и Совета «Сибирского соглашения»
Глава Тувы Владислав Ховалыг принял участие в совместном заседании Совета при полномочном представителе Президента России в СФО и Совета Межрегиональной ассоциации «Сибирское соглашение».