Бөгүн фашистиг бүзээлээшкинден Ленинградты хостаан хүнү.
Туранның уругларга болгаш элээдилерге немелде өөредилге төвү "Блокада хлеви” деп акцияны эрттирген.
Акция шупту кижилерге өлүмнүң айыылынга тургаш-даа дайзыннарга хоорайын дүжүп бербээн ленинградчыларның туруштуг болгаш эрес-дидим, маадырлыг чоруунуң дугайында сагындырып турар. Ленинградтың бүзээлээшкининиң эң-не берге үезинде хүнде үлеп турган хлебтиң эң-не хензиг үлүү – 125 грамм.
Ийи чартык чыл – 872 хонук үргүлчүлээн Ленинградка бүзээлээшкин (1941 чылдың сентябрь 8-тен 1944 чылдың январь 27-ге чедир) ХХ чүс чылда Ленинградтың тайбың чурттакчыларын аш-чут-биле узуткаар дээн нацистерниң деңнээр чүүл чок үүлгедии-дир.
