Тываның Баштыңы Владислав Ховалыг Чаа чыл бүдүүзүнде, «Күзелдер шивизи» бүгү-российжи ачы-буян акциязының үезинде, Кызыл хоорайдан 14 харлыг Долгар Сааяның Санкт-Петербургта Эрмитажны көрүксээн чагаазын тырттып алгаш, ооң күзелин боттандырар сертификатты белекке берген турган.
Часкы дыштанылга хонуктарында Долгар культура болгаш төөгүнүң, эртемниң болгаш депшилгениң төвү болур Санкт-Петербург хоорайда чеде бергенин бадыткаан чуруктары Тываның Баштыңының социал четкилерге арыннарыга көстүп келген.
– Санкт-Петербургта авазы-биле дыштанып турар Долгардан чуруктарны алдым. Ооң Эрмитажты көрүксээн улуг күзели боттанганынга, кады өөрүп тур мен. Бистиң чуртувустуң кайгамчык культуразының төвү болур Санкт-Петербург хоорайга мага хандыр дыштанып алырын, чаа солун, уттундурбас ужуралдарны күзедим – деп, Владислав Ховалыг бижээн.
В Туве водителей предупреждают об ужесточении ответственности за езду без прав
Госавтоинспекция Республики Тыва призывает жителей республики строго соблюдать правила дорожного движения и не садиться за руль без водительского удостоверения.