Сталинград тулчуушкунунга немец-фашисчи дайзыннарны совет шериглерниң чылча шапканының төөгүлүг хүнүн бүгү чурт дүүн демдеглээн.
Бии-Хем кожууннуң Шивилиг ортумак школазының «Төөгүнүң кадагалакчылары» отряды Сталинград тулчуушкунунуң киржикчилерин сактып, Ада-чурттуң Улуг дайынының киржикчилеринге тураскаалдың девискээрин хардан аштап арыглаанын чагырга чери дыңнаткан.
Ийи чүс хүн-дүн дургузунда Сталинградты бүзээлээни эң ханныг болгаш каржызы-биле төөгүде демдеглеттинген. Хоорайны камгалап тура, чартык сая совет солдаттар болгаш офицерлер бажын салган болгаш балыгланган.
Делегейниң ийиги дайынында эң-не улуг шериг тулчуушкуну болур Сталинград тулчуушкуну немец шериглерниң стратегтиг эгелекчи саналын буураткан. Совет чон болгаш Кызыл Шеригниң дайынчылары тиилелгени чедип алган.
Сталинград тулчуушкунунуң киржикчилери – маадырларның алдар-адын утпайн, өзүп олурар салгалдың сактып чорууру чугула.
«Наадым-2026». В Туве определились победители и призёры Чемпионата по лёгкой атлетике
В республике прошёл Чемпионат по полумарафону, посвящённый главному празднику животноводов — Наадыму. Спортсмены преодолели дистанцию в 21 километр.