Тываның дириг амытаннар делегейиниң объектилерин камгалаар күрүне комитединиң инспекторлары тайгада чайгы дыштанылга лагерьлеринче чедип, доктаамал рейдилерни чорудуп турарын албан чери дыңнаткан.
Күрүнениң аңныыр комитеди тайга-сын девискээринде дыштанылга лагерьлеринде аъш-чем артынчыларын үе-шаанда үндүр сөөртүрү чугула дээрзин айыткан. Чүге дизе черлик дириг амытаннар аъш-чем артынчыларын «амзаар» дээш, лагерьниң девискээринче кирип болур.
Күрүне инспекторлары Тес-Хем кожуунда «Сайлык» уругларның чайгы лагерьде бок артынчыларын үе-шаанда үндүр сөөртүп турарын хынаан.
Ол ышкаш черлик дириг амытаннарга таварышкаш, канчаар алдынарының дүрүмнерин база оваарымчалыг болурунуң хемчеглерин тайылбырлаан.
