Бай-Тайга кожууннуң Кара-Хөл сумузунда «Сорунза» төлевилели-биле көдээ культура бажыңы ажыттынган. Тываның культура болгаш туризм сайыдының оралакчызы Салим Санчы биле чурагайлыг хөгжүлде сайыды Аяс Бартан кара-хөлчүлерге байырын чедирген.
Чонну хаара тудар сорунзалыг чаа оран-саваның тудуунга үлүүн киирген тудугжуларга болгаш культура ажылдакчыларынга өөрүп четтириишкин бижиктерин байырлыг байдалга тывыскан.
Кожууннуң Николай Өлзей-оол аттыг культура бажыңының коллективи аалчыларга болгаш чыылган чонга концертти бараалгаткан.
