Бирги чурукту 1945 чылдың октябрь 11-де тырттырган. Ол хүн Кызылга аяс болган. Автономнуг областың чурттакчылары Тываның ССРЭ-ге каттышканының бир чыл оюн байырлыг байдалга демниг демдеглээн. Кызылга шериг парад, күш-ажылчы коллективтер чыскаалы болуп эрткен.
Чурукта шериг чыскаалды көргүскен. Марштап чоруур офицерлер колдуунда шериг комиссариадының ажылдакчылары болгаш халажылгада дайын киржикчилери. Оларның хөректерин дайынчы шылгаралдың орден-медальдары каастаан. Офицерлерниң чамдыктары чартык чыл бурунгаар Кызыл Шеригниң хүрээлеңинге немец-фашистиг эжелекчилер-биле дайылдажып турган.
Ийиги чурукта база-ла офицерлер. Чүгле халажылгада. Бо чурукту 1970 чылдың Кызылга байырлыг чыскаалында тырттырган.
Бирги эрги чурукту Кызылдың 2 дугаар ортумак школазының музейинден алган, ийиги чурукту Тываның күрүне архиви бергенин ТР-ниң Дээди Хуралы дыңнаткан.
QR‑код, SMS‑коды и документы — никому не передавайте: памятка по покупке угля
Жителей Тувы призывают быть предельно внимательными при покупке угля: в республике фиксируются попытки мошенничества с использованием персональных данных.