Өвүр кожууннуң чагырга даргазының хүлээлгезин күүседип турар Айдыс Куулар бо неделяның кол сорулгазы – мал чеминиң белеткели дээрзин дыңнаткан.
– Бо неделяда кол салдынган сорулгавыс тус-тузунда черлерниң ажыл-агыйлары-биле мал чеминиң белеткелиниң үе-шаанда эгелээри. Ак-Чыраа сумузунуң девискээринче, Саглы талазынче үнүүшкүннерни чорудар бис.
Эрткен чылын кыштың берге эрткенин билир бис. Хар кылын, соок кыш болган. Мал чемин чедер кылдыр садып, сиген-ширбиилди белеткээри бо үеде кол айтырыг. Сиген шөлдерин хынаар, машина-техниканың байдалын экижидер ажылдарже көрнүр бис.
Шээр, бода, чылгы мал дээш республика деңнелинде хөй мал-маганныг кожуун деп мурнуку одуругларда чоруп турар болгай бис. Ону чигзинниг чок кылдыр ниити мал бажының санын шын үндүрери-биле санаашкыннарны чорударын көдээ ажыл-агый эргелелинге дагзыдым.
В Туве наградили лучших животноводов и представили новый проект поддержки отрасли
В здании Правительства Республики Тыва состоялась торжественная церемония вручения государственных наград и дипломов чемпионам народного праздника животноводов Наадыма-2026.