Таңды кожууннуң Чагытай хөлдүң эриинге, чылдың эртип турар республика чергелиг көдээ ишчилерниң спартакиадазынга Өвүр кожууннуң командазы идекпейлиг киришкенин чагырга чери дыңнаткан.
Спортчу хемчегге кожууннуң көдээ ажыл-агый эргелелиниң ажылдакчылары болгаш «Адарган» муниципалдыг унитарлыг бүдүрүлгениң малчыннары спорттуң аңгы-аңгы хевирлеринге маргылдашкан.
Аът шалбадаарынга «Адарганның» тергиин дээн сарлык кадарчызы Василий Саая бирги черге төлептиг болган. Ниитизи-биле биче бут-бөмбүүнге база шаптараазынныг оруктар эрттеринге үшкү черлерни чаалап алганнар.
Өвүр кожууннуң Саглы сумузунда “Адарган” муниципалдыг унитарлыг бүдүрүлге чүгле кожуунда эвес, а республикада эки мал ажыл-агыйлыг бүдүрүлгелерниң бирээзи.
