Тываның аңгы-аңгы өөредилге албан черлеринде Масленица байырлалынга уткуштур хемчеглер эртип турарын ТР-ниң Өөредилге яамызы дыңнаткан.
Барыын-Хемчик кожууннуң Ак-Довурак хоорайында «Өлчей» лицейниң эге класстарының өөреникчилери Масленицаны байырлаан. Школачылар «Масленица ярмарказынга» идепкейлиг киришкенин сагындыраал. Ол ышкаш оолдар, уруглар хороводка ырлажып, самга өөрүшкү-маңнайлыг киришкеннер.
Байырлалдың төнчүзүнде Масленицаның хоюткузун өртеткен. Ук езу-чаңчыл-биле алырга, хоюткуну өртеткен соонда, час дүжер болгаш, чылыг хүннер эгелээр.
Масленица – кышты үдээриниң байырлалы база частың чылыг хүннерин өөрүшкү-биле уткуп, янзы-бүрү чаңчылдарны сагыыры болур.
