ТР-ниң Дээди Хуралдың Бии-Хем кожуундан депутады Аяна Монгуш “Өөредилге” национал төлевилели-биле үндезин септелге чоруттунуп турар Туран хоорайның 2 дугаар школазын хынап көрген.
Хүлээникчи организациязының удуртукчузу Анзор Андриасян тудуг ажылдары график езугаар чоруп турар болгаш өөредилге чериниң объектизин үезинде дужаарын дыңнаткан.
ТР-ниң Дээди Хуралының даргазы Кан-оол Даваа Даваа республикада школаларның үндезин септелгезин хыналдага алыр даалганы депутаттарга бергенин сагындыраал.
