Бии-Хем кожууннуң Аржаан школазының башкыларының аразынга профессионал байырлалын таварыштыр экологтуг турисчи слет болуп эрткен.
«Чаңгыс-Аас» деп черге башкылар спортчу уг-шиг тыварынга, чадаг туризм техниказынга күжүн шенежип, бот-тывынгыр уран чүүл мөөрейлеринге салым-чаяанын көргүскен.
Маргылдааның түңнелдери-биле, бирги черни эге класстар башкылары чаалап алган. Турисчи слетка дөрт методкаттыжыышкын киришкен.
Спортчу хемчеглерге кол-ла чүүл – командалыг сорук, быжыг туруш болгаш эш-өөрнүң деткимчези. Бо бүгүнү башкыларның демниг оюну көргүскен. Команда бүрүзүн өртектиг белектер-биле шаңнаан.
Турисчи слет – туризмни болгаш кадык амыдыралды суртаалдаар эң-не дээштиг хевирлерниң бирээзи.
