Тываның А. С. Пушкин аттыг национал ном саңының чурт-шинчилел чогаалының болгаш национал библиография килдизиниң ажылдакчылары Тываның Чогаалчылар эвилелиниң кежигүнү Борис Чюдюктүң 100 харлаанынга тураскаадып солун таныштырылганы эрттиргенин ном саңы дыңнаткан.
Борис Бааданович – чогаалчы, шүлүкчү, депутат, Улус өөредилгезиниң тергиини.
Ном саңының ажылдакчылары уругларга чогаалчының допчу намдарын, чогаадыкчы ажыл-ижиниң дугайында чугаалаан. Улус өөредилгезиниң тергиини словарь секторунга эртем ажылдакчызы болуп ажылдааш, «Тыва дылдың тайылбырлыг словарын» болгаш «Кыска орус-тыва словарьны» чогаадып тургузарынга киржип турганын база таныштырган.
Ном саңының аалчылары тыва дыл кырында "Аржаан кырында челээш" деп кинону сонуургап көрген.
