«Төрээн дылдың болгаш төрээн чогаалдың тергиин башкызы – 2026» республика чергелиг мөөрейниң түңнелдери чарлаттынганын Национал школа хөгжүдер институт дыңнаткан.
Тыва дыл башкылары болгаш уруглар садтарында кижизидикчи башкылар (тыва дыл башкылары) чаштарывыска төрээн дылын, сүлде-сүзүүнүң үнелиг чүүлдерин дамчыдар чаңчылдарның кол камгалакчылары болур.
Школа башкыларының аразындан 1-ги черде Кызылдың 4 дугаар школазының эге класстар башкызы Чодураа Ооржак, 2-ги черде Тоора-Хем суурнуң Л.Б. Чадамба аттыг школазының эге класстар башкызы Виктория Чоодунай, 3-кү черде Сарыг-Септиң 2 дугаар С.К. Тока аттыг школазының тыва дыл болгаш чогаал башкызы Чодураа Ховалыг.
ТР-ниң Дээди Хуралының шаңналынга Сөөш ортумак школазының тыва дыл болгаш чогаал башкызы Оксана Дапыян, Ч-Д.Б. Ондар аттыг Кызыл-Тайга школазының эге класстар башкызы Чимис Моңгуш Профэвилелдиң шаңналынга төлептиг болган.
«Школа назыны четпээн уругларның төрээн дылын сайзырадыр тергиин башкызы-2026» номинацияга 1-ги черни Тес-Хем кожууннуң Самагалдай суурунуң «Аян» уруглар садының тыва дыл башкызы Аянмаа Эренчин, 2-ги черни Мөңгүн-Тайга кожууннуң Мугур-Аксы суурунуң «Хамнаарак» уруглар садының кижизидикчи башкызы Белек Достай, 3-кү черни Чеди-Хөл кожууннуң Хову-Аксы суурунуң «Дюймовочка» уруглар садының кижизидикчи башкызы Елена Бадыжик чаалап алган.
ТР-ниң Дээди Хуралының шаңналын Кызыл хоорайның 17 дугаары «Салгал» уруглар садының кижизидикчи башкызы Инна Моңгуш, Өвүр кожууннуң Солчур ортумак школазының школа назыны четпээн уруглар салбырының башкызы Айлаана Моңгуш Профэвилелдиң шаңналынга төлептиг болган.
Национал школа хөгжүдер институт чаш салгалывыска төрээн дылын, чонунуң төөгүзүн дамчыдып, культуразынга ынакшылды оттуруп чоруур тиилекчи башкыларга чоргаарланып, шылгарап үнгеннерге бүгү Россия чергелиг мөөрейге чедиишкинниг киржирин күзээн.
