Май айда Тываның чурттакчылары Моолдуң найысылалче база катап доктаамал, дүрген болгаш эптиг аргыжылганы алыр: Кызыл биле Улан-Батор аразынга дорт ужудуушкуннар май 7-де эгелээр.
«КрасАвиа» компания октябрь 2-ге чедир бүдүн чай дургузунда ужудар.
Кызылдан четвергте 22 шак 05 минута ужуп үнер болза, Улан-Батордан дедир пятницада 5 шак 05 минута турда үнер. Ол аразынга үш шак хире ужудар. Пассажирлер күзээни тарифти шилип ап болур, билеттер өртээ чедингир болзун дээш, билет өртээнге республика бюджединден субсидияны тускайлаан.
«КрасАвиа» авиакомпанияның дыңнатканы болза, акша курузунуң аайы-биле Кызылдан билеттиң өртээ 11065 рубльден өрү, а Улан-Батордан 13216 рубль өрү болур.
Кызыл – Улан-Батор аразынга делегей чергелиг дорт авиарейс эрткен чылын ажыттынганын сагындыраал. Аэропорттуң инфратургузуун бүрүнү-биле чаарткан соонда, Кызылда делегей чергелиг эрттирилге пунктузун ажылдаткан. Президент Владимир Путинниң болгаш федералдыг чазактың деткимчезиниң ачызында ол кылдынган.
2024 чылдың сентябрьда Россияның Президентизи Тывага ажылдаан соонда, бистиң республикадан Моолдуң найысылалы Улан-Баторже ужуп үнгеш, Кызыл аэропортунуң делегей секторунуң ажылын албан езузу-биле боду ажыткан.
«Чаа рейстиң ажыттынганы Тываның чурттакчыларынга база республиканың аалчыларынга Моолдуң найысылалынче дүрген болгаш эптиг ужуп чедеринден аңгыда, өске чурттарже улаштыр аян-чорукчулаарынга таарымчалыг аргаларны тургускан. Улан-Батор – пассажирлерниң оон Кыдаттың, Мурнуу Көрейниң, Японияның болгаш Азияның өске-даа чурттарының улуг хоорайларынче ужудуп чоруп болур амгы үениң транспорт белдири апарган» – деп, «КрасАвиа» авиакомпания дыңнаткан.
В Кызыле стартовал XXIX конкурс «Золотая кисть»
23 апреля в столице Республики Тыва проходит XXIX Межрегиональный открытый конкурс-фестиваль «Радуга искусств-2026» — «Золотая кисть».
