Тожу кожууннуң «Наадым-2024» байырлалының чемпиону – аныяк ивижи Аркадий Бичемей болганын чагырга чери дыңнаткан.
Аныяк арат чиңгине тожу тывазы болгаш иви малдың баш санын өстүрер сорулгалыг. Иви ажылында ооң стажы 15 чыл четкен. Ол «Өдүген» муниципалдыг унитарлыг бүдүрүлгениң мурнакчы ивижилериниң бирээзи.
Адыр-Кежигден аныяк арат дээди эртемниг. Өөнүң ишти Надежда Бичемей кожууннуң төп эмнелгезинде терапевт эмчи. Өг-бүле алды ажы-төлдүг.
Бичемейлер тайга черде соңгу чүктүң ивизинден аңгыда хөй-өшкүнү, бода, чылгы малды база тудуп турарлар. Аркадий Бичемей аъттарын кожуун чергелиг чарыштарынга киириштирип турар.
ТР-ниң Дээди Хуралының Даргазы Каң-оол Даваа эрес-кежээ бедик көргүзүглерлиг аныяк малчынга Өөрүп четтириишкин бижиин байырлал үезинде тывыскан.
Ак-Довуракта эът садыы ажыттынган
Ак-Довурак хоорайдан Алена Апаандай биле Андрей Кууларның өг-бүлези эът садыын ажыдып алганын чагырга чери дыңнаткан.
