“Чурттаар оран-сава болгаш хоорай хүрээлели” национал төлевилелдиң “Таарымчалыг хоорай хүрээлелин хевирлээри” регионалдыг төлевилелиниң ачызында Тыва Республикага 2022 чылда чаагайжыдылга черлерин шилиириниң талазы-биле чорудулга март 1-ден эгелээрин ТР-ниң Тудуг яамызы дыңнаткан. Амгы үеде девискээрлер аайы-биле санал-оналдар хүлээп алыышкыны чоруп турар.
Чаагайжыдылга – ол дээрге муниципалитет бүрүзүнде чоруттунуп турар эң чугула ажыл-дыр. Ооң-биле чергелештир төлевилел боттанылгазының кол негелделериниң бирээзи – чаагайжыдар черлерни шилип турда, аңаа хамаатыларның дорт киржилгези болур. Бир-тээ хоорай, суурларның чааайжыдылгазынга чурттакчылар боттары эгезинден тура киржир болганда, олар парк, сесерлиг азы бажың-балгат баарында турар шөлдүң чарттынган турарын көрүксээр. Бо угланыышкынга мурнады көөр чүүл болза, чурттакчыларның боттарының күзээшкиннерин өөренип көөрү болур.
Санал-оналдар хүлээп алыышкыны доостуру билек, бадылаашкынга киржир девискээрлерниң даңзызын хевирлээр. Ону электроннуг хевирге (онлайн) чорудар. Эң хөй санны алган девискээрлерни келир чылын чаагайжыдар.
Юные представители Тувы победили в финале всероссийской игры «Зарницы 2.0»
Команды «Амур» и «Воины17», в составе которых выступали представители села Берт-Даг Тес-Хемского района, стали победителями финала всероссийской военно-патриотической игры «Зарница 2.0».