Кызыл хоорайның 7 дугаар школазының ада-иелери орук хайгааралынче үнгенин республиканың немелде өөредилге сайзырадыр төвү дыңнаткан.
Эртениң-не агаар-бойдустан хамаарылга чокка ада-иелер школа девискээринде орук кежер черлерни хынап турар.
«Ада-иелер чүгле уруг-дарыгны школаже үдеп эвес, а оларның айыыл чок чоруун хандырып турар. Оларның кичээнгейлиг чоруундан чаштар орук дүрүмнерин сактып алыр, а чолаачылар оожум халдыр. Шак ынчан школаже орук айыыл чок болур. Ада-иелерниң хууда үлегери – уругларга тергиин кичээл» – деп, школаның башкылары демдеглээн.
Каш-ла хонгаш уругларның үрде манааны чайгы дыштанылгазы эгелээр. Ооң-биле чергелештир назы четпээннерниң айыыл чок чоруунче кичээнгейни углаары чугула. Уругларның чашкы, элээди үези айыыл чок болгаш өөрүшкү долган болуру ада-иеден, чоок кижилеринден улуг хамааржырын сагындыраал.
