ТР-ниң Дээди Хуралының депутаттары «Чаңгыс демниг Россия» политиктиг партияның чаа «Улусчу программазы 2.0» деп программаны таныштырарып, чагыглар чыырын уламчылап турар. Бо удаада олар Аржаан сумузунуң чурттакчылары-биле ужурашканын чагырга чери дыңнаткан.
«Төгерик столду» Дээди Хуралдың даргазының оралакчызы Андрей Листков база депутат Аяна Монгуш эрттирген. Хамааты бүрүзүнүң чагыын, саналын, дилээн регионнуң эксперт чөвүлели кичээнгейлиг сайгарып турар. Программаның сайгарылгазынга Хадың, Тарлаг суурларның идепкейжилери база киришкен.
Көдээ суурларның хөгжүлдезинче онза кичээнгейни угландырган. Аржаанчылар көдээ культура бажыңының, школаның үндезин септелгези, аныяк тускай мергежилдиглерни чаа оран-сава-биле хандырары, Аржаан сумуга база Чкаловка арбанынга чырык талазы-биле чаартылга дээш, оон-даа өске чагыгларын киирген.
Ол ышкаш Аржаан – Тарлаг, Аржаан – Хадын оруктарын септээриниң, мал ажыл-агыйының чаа төлевилелдерин ажылдап кылырының айтырыгларын көдүрген.
Улусчу программа чурттакчыларның дилеглерин боттуг төлевилелдерже болгаш национал эгелээшкиннерже шилчидеринге дээштиин бадыткаан.
